വിണ്ണിലെ കാവില്‍ പുലരുമ്പോള്‍
ചിത്രം : പ്രിയ
രചന : യൂസഫലി കേച്ഛേരി
സംഗീതം : എം എസ് ബാബുരാജ്
പാടിയത് : ജാനകി
വിണ്ണിലെ കാവില്‍ പുലരുമ്പോള്‍
സ്വര്‍ണ്ണം കൊണ്ടുതുലാഭാരം
പുതുപൂവുകളാല്‍ ഭൂമിദേവിക്ക്
പുലരും മുന്‍പേ നിറമാല
പുലരും മുന്‍പേ നിറമാല
കുളിരണിമഞ്ഞില്‍ നീരാടി തോര്‍ത്തി
ഇളവെയില്‍ ചന്ദനക്കുറിയും ചാര്‍ത്തി
ഒരോ മലരും കാവില്‍ പോകാന്‍
ഒരുങ്ങിനില്പൂ വഴിനീളെ
ഒരുങ്ങിനില്പൂ വഴിനീളെ
ഇന്നലെരാത്രിയില്‍ ഒരുപിടി താരകള്‍
ഈ മലര്‍വല്ലിയില്‍ അടര്‍ന്നുവീണു
ഇന്നവയെല്ലാം നുള്ളിയെടുത്തൊരു
സുന്ദരമാല്യം തീര്‍ത്തു ഞാന്‍
സുന്ദരമാല്യം തീര്‍ത്തു ഞാന്‍